ANGALIA SIMBA ILIVYOBEBA KWA UBINGWA WA GD TU, JIFUNZE…










Na SALEH ALLY
SIMBA amekuwa bingwa tangu juzi Jumamosi ingawa wengi hawakuwa wameling’amua hili mapema kwa kuwa walisubiri kuiona ikicheza mechi yake ya jana dhidi ya Prisons ya Mbeya.


Kikosi cha Simba kilikuwa jijini Mbeya kikisubiri mechi hiyo ili kutangaza ubingwa rasmi kwa kuwa awali ilihitajika pointi tatu tu kumaliza kazi.


Hii ilikuwa imeaminika hivyo, kiuhalisia, Simba ilihitaji pointi moja tu kutoka Mbeya baada ya mechi za jana lakini hata bila ya hiyo pointi moja, tayari ilishakuwa bingwa.


Mambo yalikuwa hivi, hapa tunaweza kujifunza umuhimu wa mabao ya kufunga na kufungwa katika mchezo wa soka na namna Simba ilivyokuwa bingwa kupitia Goal Difference (GD).


Nimesema Simba ilikuwa bingwa tangu juzi Jumamosi na ilichukua ubingwa kupitia GD ikiwa ni mara ya Azam FC kutoka sare ya mabao 1-1 dhidi ya Biashara United na Yanga wakashinda kwa mabao 3-2 dhidi ya Ndanda FC.


Angalia, baada ya sare ya Azam FC na Biashara, Azam FC ikafikisha mechi 32 na pointi 59, baada ya ushindi dhidi ya Ndanda FC, Yanga ikawa na pointi 60 na michezo ikawa 32 pia.


Michezo iliyobaki kwa Azam FC na Yanga, kila moja ni sita. Iwapo Azam FC ikishinda mechi zake zote itafikisha pointi 77, tayari Simba imeshafikisha pointi 78 ikiwa na mechi 31.


Iwapo Yanga itashinda mechi zake sita zilizobaki, itafikisha pointi 78. Sawa kabisa na zile ambazo tayari Simba wamekusanya wakiwa na mechi 31.


Wengi hawakuwa wameling’amua hilo, nikawasikia baadhi ya wanaozungumzia mpira kuwa ilibaki pointi moja tu Simba iwe bingwa. Lakini uhalisia, wingi au ukubwa wa GD na tofauti ya GD kati ya yake na Yanga na Azam FC, uliamua Simba kuwa bingwa ikiwa mkononi na mechi saba.


Kwa nini Simba kawa bingwa, hapa ndipo tunakwenda kujifunza katika GD. Kwamba ina umuhimu wa juu sana katika suala la baadaye na inapaswa kuipa nafasi kubwa wakati wa mechi za mapema maana kuna wakati inaweza kuwa msaada huko mbeleni.


Kwa Simba, imeisaidia kubeba ubingwa ikiwa na mechi 31 tu, ingawa wengi walitaka kusubiri hadi iongezeke angalau pointi moja ili waseme uhakika.


GD ya Azam FC baada ya mechi 32 ni 18, hawa tayari walishaondoka katika vita ya kuipunguzia Simba kasi ya kubeba ubingwa mapema na hasa baada ya sare dhidi ya Biashara ya Mara.


Angalia GD ya Yanga ni 13, Simba wana GD ya 53. Zaidi ya mara nne ya waliyonayo Yanga. Kama zimebaki mechi sita, Yanga wanaweza kutengeneza mabao 40 bila ya kufungwa hata moja?


Tena walikuwa wanatakiwa kutengeneza mabao 41 ndani ya mechi zita bila ya kufungwa hata moja ili waweze kuipiku Simba katika suala la ubingwa.


Unaona, Simba mwanzo imeshinda ubingwa wa Tanzania Bara kwa tofauti hiyo ya mabao ya kufunga na kufungwa, GD.


Funzo hapa ni kwamba timu zinapaswa kujipanga mapema katika suala la kufunga mabao mengi na kuzuia kwa uhakika au kufungwa mabao machache zaidi.


Simba imebeba ubingwa kwa uhakika sana kwa kuwa ilicheza mechi zake kwa umakini sana, ikafungwa mabao machache na kufunga mengi hivyo kutengeneza GD bora.


Kutengeneza GD bora ni kufunga mabao mengi na kufungwa machache. Katika msimu huu, ndani ya mechi 31, tayari Simba ilishafunga mabao 69 na kufungwa 13 tu.


Hii maana yake hivi, Simba imekuwa na timu bora zaidi maradufu ya nyingine unapozungumzia mabao ya kufunga katika ligi hiyo lakini ikawa na difensi bora zaidi, hapa ni ulinzi.


Unafanyaje kuwa na safu bora ya ushambulizi na ulinzi, tunajua kwanza ni wachezaji sahihi na pili kocha wa uhakika na maandalizi ya uhakika. Katika hili viongozi wanakuwa wanahusika zaidi na baada ya hapo ni wachezaji na benchi la ufundi.


Hongereni Simba kwa kubeba ubingwa mkitoa funzo, huenda kwa watakaolichukulia kama funzo wanaweza kujifunza mechi kupitia msimu huu ambao mmebeba ubingwa mkiwa “mnakunywa kahawa” pale mjini Mbeya.






Comments

Post a Comment

Popular posts from this blog

SIMBA NA YANGA MSIBEBE MATOKEO UWANJANI

Image
PRESHA kubwa kwa sasa ni kuelekea mchezo wa Ligi Kuu Bara kati ya Simba na Yanga unaotarajiwa kuchezwa Julai 3, Uwanja wa Mkapa kutokana na watani hawa wa jadi kuwa kwenye vita ya kusaka pointi tatu. Kikubwa ni kwamba mashabiki wanahitaji kuona mpira ukichezwa huku ile presha sijui ya timu moja haitaleta timu ikitakiwa kufutwa kwa kuwa timu yenyewe inayotajwa kuwa haitapeleka timu haijatoa taarifa rasmi. Jambo la msingi kuelekea kwenye mchezo huo kwa sasa kwa Shirikisho la Soka Tanzania ni kuangalia namna gani ratiba yao itakuwa na kuwasiliana pia na Serikali yasije kutokea yale ya Mei 8 ngoma ikabadilishwa wakati mashabiki wapo uwanjani. Kila kitu kipangwe vizuri na utaratibu uwekwe kwa kuwa nimeona kwa sasa tayari taarifa kuhusu zile tiketi na namna ya kuweza kuingia uwanjani zikiwa zimewekwa wazi.  Kikubwa ambacho kinahitajika kwa mashabiki ambao watajitokeza Uwanja wa Mkapa kuacha kubeba matokeo uwanjani na kuendelea kufanya maandalizi yao kwa hesabu ili kupata pointi tatu.
Read more

FT: VPL:SIMBA 4-0 IHEFU

Image
  FT: Simba 4-0 Ihefu Uwanja wa Mkapa Simba inasepa na pointi tatu muhimu na kufikisha pointi 35 Dakika ya 90+2 Mugalu anakosa nafasi ya wazi ndani ya 18 baada ya kumpiga chenga Munish Zinaongezwa dk 3 Dakika ya 90 Teps Evans anaingia anatoka Simchimba Dakika ya 83 Goal Mugalu  Dakika ya 80 Mugalu anaotea inakuwa ni mara ya 7 kwa Simba kuotea Dakika ya 79 Luis anatoka anaingia Dilunga  Dakika ya 71 Ame anapewa huduma ya Kwanza baada ya kuumia ndani ya Uwanja na akatolewa nje nafasi yake ikichukuliwa na Kameta  Dakika ya 64 Luis na Munish wanapewa huduma ya kwanza Dakika ya 63 Luis anakosa nafasi  Dakika ya 60 Chama anaotea Dakika ya 51 Kagere anaotea Dakika ya 49 Mahadhi anatoka anaingia Ngoah, Khamis anatoka anaingia Kinyozi Dakika ya 48 Mahadhi anapewa huduma ya kwanza Dakika ya 47 Manula anaokoa Dakika ya 46 Bwalya anapaisha  Kipindi cha pili KIPINDI cha kwanza  Simba 3-0 Ihefu Uwanja wa Mkapa Mapumziko  Dakika 2 zinaongezwa  Dakika ya 44 Mahundi kadi y
Read more

WAMEANZA NA MAJANGA MSIMU MPYA WA 2021/22, SIMBA WANAWEZA KUKOSA UBINGWA

Image
   IKIWA Simba watakuwa kwenye mwendo huu ndani ya msimu wa 2021/22 kengele ya hatari inawaka kwenye kichwa cha Kocha Mkuu, Didier Gomes kwa kuwa kutakuwa na hatihati ya kuachia ubingwa kwa wapinzani wao pamoja na kushindwa kufurukuta kwenye mechi za kimataifa. Hili linakuja kutokana na rekodi kuonyesha kwamba wachezaji wake wengi muhimu wamekuwa wakikutana na minyoosho ya maana huku Gomes akikiri kwamba ligi ni ngumu na ushindani ni mkubwa. Iliwatokea Liverpool ya Ulaya msimu uliopita baada ya kuwakosa nyota wake muhimu kutokana na kupatwa minyoosho uwanjani miongoni mwao alikuwa ni beki kisiki Virgil van Djik ambaye aligongwa na alikaa nje msimu mzima wa 2020/21 na timu yake ikapoteza ubingwa. Hapa Championi Jumatatu inakuletea orodha ya wachezaji walioanza na majanga 2021/22 huku Simba ikiwa ni namba moja kwa timu yenye wachezaji wengi wenye majanga:- Joash Onyango Beki kisiki wa Simba hana bahati na mechi kubwa kwa kuwa aliwahi kupata maumivu kwenye mchezo dhidi ya Kaize
Read more